Коом
Сасык тумоого каршы эмдөө ноябрь айынын башында башталат
Сасык тумоого каршы эмдөө ноябрь айынын башында башталышы пландалууда. Бул тууралуу Оорулардын алдын алуу жана мамлекеттик санитардык-эпидемиологиялык көзөмөл департаментинен билдиришти.
Эмдөө Орусиянын «Гриппол плюс» вакцинасы менен жүргүзүлөт.
Биринчи кезекте тобокелдик топтор камтылат: медицина кызматкерлери, тез-тез ооруган балдар, өнөкөт оорулары бар адамдар жана 65 жаштан жогоркулар, кош бойлуу аялдар.
Белгилей кетсек, жыл сайын күз-кыш мезгилинде республикада сасык тумоо жана ОРВИ боюнча эпидемиологиялык абал курчуп баратат. Оорунун эпидемиялык өсүшү октябрдан баштап байкалат, ал эми эң жогорку чеги январдын ортосунан февралга чейин болот.
