Теңгиз Бөлтүрүк 2023-жылга чейин камакта калтырылды

«Кумтөр Голд Компани» ЖАКтын мурдагы тышкы менеджери Теңгиз Бөлтүрүктүн баш коргоо чарасы узартылды. Бул тууралуу Бишкек шаардык сотунан билдиришти.

Маалым болгондой, борбор калаанын Октябрь райондук сотунун чечими менен Бөлтүрүк 2023-жылдын 10-январына чейин УКМКнын СИЗОсунда камакта калтырылган.

Адвокат Кайсын Абакиров билдиргендей, ал чечим боюнча Бишкек шаардык сотуна кайрылган.

«Жолугушуу азырынча белгилене элек. Менин кардарымдын ден соолугунда олуттуу көйгөйлөр бар — гипертония, жүрөк оорулары жана кан басымы. Теңгиз Бөлтүрүктүн бойго жете элек үч баласы бар. Мен аны камоонун кереги жок деп эсептейм», — деди Кайсын Абакиров.