Өкмөт матрезервдеги унду арзан баада сатат
Бишкек мэриясынын аппарат башчысы Балбак Түлөбаевдин айтымында, өкмөт ундун баасы кымбаттоосуна жол бербөө максатында Мамлекеттик материалдык резерв фондунан алынган унду арзан баада сатууну көздөөдө. Ага ылайык 1-сорттогу бир кап уну 1400 сомдон сатылат: “Бизге өкмөттөн тапшырма берилди. Мамлекеттик материалдык резерв фондунун унун 1400 сомдон ашырбай сатуу үчүн атайын жайларды даярдап жатабыз. Бул ун кызыл кулактыкка жол бербөө үчүн дүкөн-базарларга түшүрүлбөйт”, — деди Түлөбаев.
Эске салсак ,пандемияга байланыштуу карантин киргизилген алгачкы күндөрү Кыргызстанда ун тартыштыгы байкалып, баа кескин жогорулаган. 1000-1200 сом турган биринчи сорттогу бир кап ун 1700-2000 сомго чейин чыккан.
Белгилүү болгондой, монополияга каршы күрөшүү агенттиги ундун бир килосун 32 сомдон ашырбай сатуу талабын койгон. Бааны ашырган бир топ дүкөндөр текшерилип, аларга эскертүү берилген.
