Путин Хабибдин атасына мыкты деңгээлде дарылануу жүргүзүлөт деп убада берди
Орусиянын президенти Владимир Путин UFC чемпиону Хабиб Нурмагомедовго атасы Абдулманап Нурмагомедовдун дарылануусу мыкты деңгээлде жүргүзүлөрүн убада кылды. Бул тууралуу мушкердин менеджери Али Абдель-Азиз жергиликтүү басылмаларга билдирген. «Хабибдин атасы жасалма дем алдыруучу аппаратка туташтырылгандыгын тастыктайм. Хабиб Владимир Путин менен байланышты. Өз кезегинде президент Абдулманап Нурмагомедовдун тийиштүү жана мыкты деңгээлде дарылана тургандыгын убада кылды», — деген мушкердин менеджери. Маалым болгондой, кечээ, 19-майда Хабиб Нурмагомедов атасынын абалы өтө оор болуп жаткандыгын социалдык тармактагы жеке баракчасы аркылуу видео кайрылууда айткан. Эске салсак, Абдулманап Нурмагомбетов инсульт алып эсин жоготкон, кийинчерээк андан таажы вирусу аныкталган.
