Коом
Башкортостан Республикасынан келген дарыгерлердин бир тобу Ош шаарына барды
Россиянын Башкортостан Республикасынан келген дарыгерлердин бир тобу Ош шаарына барды. Бул тууралуу мэриянын басма сөз кызматынан билдиришти.
Маалыматка караганда, аларды «Ош» эл аралык аэропортунан Ош шаарынын вице-мэри Эмил Шадыханов менен өкмөттүн Ош облусундагы ыйгарам укуктуу өкүлүнүн орун басары Байыш Юсупов тосуп алышты.
«Ошко келген 16 дарыгер Ош шаарында, Ош жана Жалал-Абад облустарындагы ооруканаларда иштешет. Мындан тышкары, Москвадан 2 вирусолог да кошо келишти», — деп айтылат мэриянын маалыматында.
