Мелис Мырзакматов Кыргызстанга келе жатат

Ош шаарынын мурдагы мэри Мелис Мырзакматов Кыргызстанга келатат. Бул тууралуу “Facebook” баракчасындагы түз эфирде журналист Ыдырыс Исаков митингге чогулгандарга таянып билдирди.

Анын маалыматына ылайык, Мырзакматов Түркиядан түшкү саат 13:30 да учкан.

Белгилүү болгондой, Оштогу Мырзакматовдун тарапташтары колдоруна “Мырзакматов келсин”, “Ош Мелис Мырзакматовду күтөт”, “Мелис Мырзакматов, биз сени мененбиз!” деген жазууларды кармап турушат. Оштогу митингге үч миндей киши катышууда.