Бишкекте мейманканалардын биринен өрт чыгып, толук өчүрүлдү

Бишкектин Ленин районунун Жумабек көчөсүндө жайгашкан «Голд» мейманканасынан чыккан өрт толук өчүрүлдү. Бул тууралуу Өзгөчө кырдаалдар министрлигинин маалымат кызматынан билдиришти.

Билдирүүгө ылайык, өрт саат 22:41де чектөөгө алынып, саат 00:54тө толук өчүрүлгөн. Өрттүн келип чыгуу себеби айтылган эмес.

«Өрттү өчүрүүгө ӨКМдан жалпы 6 атайын техника тартылды. Өрттүн кесепетинен жабыркагандар жок», — деп айтылат маалыматта.