Артем Новиковго улук лейтенант аскердик наамы ыйгарылды

Россия-Кыргыз өнүктүрүү фондунун башчысы Артем Новиковго улук лейтенант аскердик наамы ыйгарылды. Бул тууралуу видеону Новиков социалдык тармактагы баракчасына жүктөдү.

Новиковго аскердик наамды Кыргызстандын коргоо министри Таалайбек Өмүралиев ыйгарды.

“Новиковго наам укук коргоо органдарынын жана мамлекеттик органдардын аракеттерин ийгиликтүү координациялоосу, ар тараптуу жардам көрсөткөндүгү жана Баткен облусундагы жаңжалды жөнгө салууга катышканы үчүн берилет”, — дейт министр.