Жалал-Абадда темирди кайра иштетүүчү заводдогу жарылуудан жабыркагандардын абалы оор

Жалал-Абаддагы темирди кайра иштетүүчү заводдогу жарылуудан жабыркаган үч адамдын абалы оор. Бул тууралуу Саламаттык сактоо министрлигинин басма сөз кызматынан кабарлады.

Маалыматка ылайык, үч бейтап тең реанимацияда, экөө денесинен 80-90% күйүк алган. Андан тышкары, жабыркаган төрт адам амбулатордук дарыланууга жөнөтүлгөн.

Белгилей кетсек, Жалал-Абад шаарындагы «Мин-Ксин» темир заводунун аймагында темир эритүүчү меш жарылган.

Оор абалдагы бейтаптардын тизмеси:

— 1993-жылы туулган К.С., аттуу КРнын жараны;

— 1991-жылы туулган Б.А, аттуу КРнын жараны:

— 1996-жылы туулган А.А., аттуу КРнын жараны.

Жеңил күйүк алгандардын тизмеси:

— 2004-жылы туулган Ж.Э., аттуу КРнын жараны;

— 1991-жылы туулган Р.С., аттуу Өзбекстандын жараны;

— 1973-жылы туулган Ш.З., аттуу Кытайдын жараны;

— 1993-жылы туулган Л.Х., аттуу Кытайдын жараны.