Улуттук банк коммерциялык банктарга насыя берет

Улуттук банк COVID-19 пандемиясынын терс таасирин азайтуу үчүн коммерциялык банктарга насыя берет. Бул тууралуу регулятор маалымдады.

Белгилей кетчү нерсе зайымдар улуттук валютада берилет. Банктар төмөнкү максаттар үчүн насыя ала алышат:

• COVID-19 пандемиясынын терс таасирлерин азайтууга;
• милдеттүү резервдик талаптарды сактоого;
• банктар тарабынан КР Улуттук банктынын экономикалык жана башка ченемдерин аткарууга;
• аманат ээлери алдындагы милдеттемелерди өз учурунда аткарууга.

Насыя боюнча пайыздык ченем эсептик ченем өлчөмүндө белгиленмекчи. Эсиңиздерге сала кетсек Улуттук банк аны акыркы жолу 5% өлчөмүндө белгилеген.

Мындан сырткары, КР Улуттук банкынан алынган каражаттарды пайдаланууга регулятор тарабынанчектөөлөр киргизген. Атап айтканда, акча каражаттарын төмөнкү багыттарга жумшоого тыюу салынат:

• валюта рыногунда операцияларды өткөрүүгө;
• баалуу кагаздар рыногуна;
• мамлекеттик баалуу кагаздар менен КР Улуттук банкынын нотторун сатып алууга.