Шубаларды кантип сактайбыз?

Жаз келип, күн жылып, кышында кийилген жылуу кийимдер бир ирет жуулуп айрымдары химиялык тазалоодон соң шкафка салынат.

Дал ошол кышы бою сизди сууктан сактаган, айымдардын ажарына ажар кошуп, жамалын ачкан шубаларды кантип, кандай ыкмада сактоо керектигин айтып беребиз.

Эң алгач шубаны кургатуу талап кылынат, андан соң тазалап, бир ирет тарап, шуба формасын жоготпой турган кийим илгичке илүү сунушталат. Экинчиден шуба турган бөлмөнү бат-баттан желдетип туруу керек.

Шуба башка кийимдерден оолак турганы оң. Шуба аба өткөрүүчү пахтадан жасалган кийим салгыч каптарга салынуусу кажет.