Лейлекте жергиликтүү тургундар Баткен-Исфана унаа жолун тосушту
Бүгүн, 6-августта Лейлек районунун Өзгөрүш айылында Баткен — Исфана жолу тосулду. Жарандар алтын кендин казылышына каршы митинге чыгышты. Бул тууралуу «Kadam-media.kg” маалымат порталына жергиликтүү тургундар билдирди.
Билдирүүгө ылайык, Алмалуу аймагындагы Апрелское алтын кенинде алтын казууну токтотууну талап кылып, Бишкек-Исфана унаа жолун тосушту.
“3-августта кен казгандар эл менен жолугушкан. Алар техникаларын алып келишкен. Биз макулдук берген жокпуз. Анткени кенден чыккан суу Козу-Баглан дарыясына тушкөн суу Өзгөрүш, Катраң, Бешкент, Оочуда дарыядан суу ичкен элге зыяны тиет.Бул суу негизи Тажикстанга чейин кетет. Азыр 200 дөй эл жол тосуп турат»,-деп билдиришти.
Эске салсак, 3 -августта айылдыктар митингге чыгышкан. Алар алтын кенин «Апрельская ЭйЗетАй» компаниясынын иштетүүсүнө каршы экенин айтышкан.
