КР УКМК жеке менчикке мыйзамсыз өтүп кеткен жерлерди мамлекеттин балансына кайтаруу боюнча жүргүзүлүп жаткан иш-чаралардын алкагында Каракол шаарынын Масанчы аймагындагы болжол менен 30 гектар айыл чарба жерлерин кайтарып алды.
Жеткиликтүү маалыматтарга ылайык, көрсөтүлгөн участоктор «Жемиш» АКсынын жерлеринин курамынан мыйзамсыз чыгарылып, Каракол шаарынын түндүк-батышындагы Масанчы аймагында жайгашкан «Жемиш» АКсынын акционерлери менен кызматкерлеринин ортосунда бөлүштүрүлгөн.
«Жемиш» АКнын мурдагы акционерлери жана кызматкерлери тарабынан жүргүзүлгөн тергөө жана оперативдик иш-чаралардан кийин, жалпы аянты 30 гектар болгон аталган жер тилкелери шаарды кеңейтүү максатында ыктыярдуу түрдө өткөрүлүп берилген, ал жерде муниципалитет жаңы турак жай комплексин жайгаштырууну пландаштырууда, анын болжолдуу баасы 22 миллион сомдон ашат.
Улуттук коопсуздук мамлекеттик комитети мыйзамсыз менчиктештирилген жер участокторун, ишканаларды жана башка объекттилерди аныктоо жана мамлекетке кайтаруу боюнча ишин улантууда.
