Жалал-Абад ОИИБдин кызматкерлери медицина кызматкерлерине колдоо көрсөтүштү
Учурдагы коронавирус илдети менен күрөшкөндөрдүн баш сабында туруп, баатыр аталган медицина кызматкерлеринин эмгеги эбегейсиз өтө зор экенине баарыбыз күбө болуудабыз.
Мындай мезгилде ак халатчандардын аракетин сырттан карап турбастан, Жалал-Абад ОИИБдин борбордук аппаратынын айрым кызматкерлеринин демилгеси менен Жалал-Абад шаарында жападан жалгыз иштеп жаткан түнкү стационарда кызмат өтөгөн мээрбан эжелердин абалынан кабар алышып, бир күндүк ысык тамак уюштурулду.
Милиция тарабынан алардын азыркы учурдагы күн-түн дебей элдин саламаттыгы үчүн жасап жаткан кызматы коом тарабынан бааланып жатканы белгиленди. Ал эми, бул иш-чарага ыраазы болуп, жүздөрүнө жылмаю толгон ак халатчан айымдар – бир аз болсо да аларга көңүл буруп, колдоо көрсөтүп келген тартип сакчыларына ыраазычылыктарын билдиришип, ден соолук каалашты.
Жалал-Абад ОИИБдин басма сөз кызматы
