Улуу жеңиштин 78 жылдыгы: Бишкекте грек-рим күрөшү боюнча эл аралык мелдеш өтөт

Бишкекте И.В.Панфиловдун жаркын элесине жана Улуу жеңиштин 78 жылдыгына арналган грек-рим күрөшү боюнча эл аралык мелдеш өтөт. Бул тууралуу Дене тарбия жана спорт департаментинен билдиришти.

Спорттук иш-чара 6-8-май күндөрү Каба уулу Кожомкул атындагы спорт ордосунда болуп, ага республиканын бардык аймактарынан келген спортчулар катышат. Катышуучулар төмөнкү салмак категорияларында күч сынашат: 55, 60, 63, 67, 72, 77, 82, 87, 97, 130 кг.