Кыргызстанда алгачкы ирет таэквондо боюнча дүйнө чемпионаты өтөт

Кыргызстанда биринчи жолу таэквондо боюнча дүйнө чемпионаты өтөт. Бул туурасында Дене тарбия жана спорт департаменти билдирди.

Маалыматка ылайык, GTF версиясы боюнча дүйнө чемпионаты жана биринчилиги Бишкекте уюштурулат. Ага дүйнөнүн 20дан ашык өлкөсүнөн келген командалар катышары күтүлүүдө. Ал эми спортчулардын саны 1500гө чамалайт.

Аталган ири мелдештин 24-июлда башталып, 31-июлга чейин уланары айтылды.