Мамкурулуш: Республикадагы бардык мыйзамсыз курулуштар көзөмөлгө алынган

Республиканын аймагындагы бардык мыйзамдуу жана мыйзамсыз курулуштар көзөмөлгө алынган, деп билдирет Архитектура, курулуш жана турак жай-коммуналдык чарба мамлекеттик агенттиги.

Мамагенттиктин билдирүүсүнө караганда, бардык курулуштар боюнча маалымат Мамкурулуштун расмий сайтында жарыяланган жана ар бир жаранга жеткиликтүү.

Бүгүнкү күндө жүргүзүлүп жаткан бардык мыйзамдуу курулуштар агенттиктин курулуштар реестрине киргизилген. Ал эми мыйзамсыз жол менен салынып жаткан курулуш Мамкурулуш агенттиги тарабынан аныкталып, ар бири боюнча соттук териштирүүлөр жүрүп жатат.