Кыргызстандын мектеп окуучулары Болгариянын Несебрь шаарында өткөн “Математикага чек жок” эл аралык олимпиадасына катышты. Бул тууралуу уюштуруучулар билдирди.
Анда аймактык турнирлерден жеңип чыккан, Бишкек, Чүй жана Талас облусунан барган 6 окуучу 17 өлкөнүн өкүлдөрү менен күч сынашты.
Кыргызстандык окуучулардан №17 мектептин 7-классынын окуучусу Бактыбекова Айыма күмүш медаль утту.
Ч. Айматов лицейинин 9-классынын окуучусу Разаков Исхак коло медаль жана “Турнирдин жылдызы” сыйлыгын алды.
“Билимкана кидс” мектебинин 1-классынын окуучусу Мурзаев Нурислам коло медалга ээ болду.
Белгилей кетсек, олимпиада 12 жылдан бери өткөрүлөт.
