Маркум кримтөбөл Алманбет Анапияевдин туугандарына таандык 12.68 га жер мамлекетке кайтарылды. Бул тууралуу УКМК билдирди.
Маалым болгондой, аталган жерлер Ош облусунун Чоң-Алай районунда жайгашкан.
Атайын кызматтын маалыматы боюнча, Алмамбет Анапияевдин туугандары ал жерлерди мыйзамсыз менчиктештирип алган. Тергөө иштеринин натыйжасында Дароот-Коргон айылындагы 0,7 га жер тилкеси, 749,65 чарчы метр болгон имарат, 14 сотик жерде жайгашкан май куюучу жай менен дүкөн, ошондой эле Бурган-Суу айылындагы 11,84 га жер мамлекетке кайтарылды.
