Бүгүн, 11-августта, Чүй районунун милиция кызматкерлери тарабынан 1986-жылы туулган Б. З. аттуу шектүү кармалды. Бул тууралуу Чүй облустук ИИББден билдиришти.
Ал Бишкек шаарында кармалган. Тергөө иш-чаралары уланууда, алардын жыйынтыгы боюнча процессуалдык чечим кабыл алынат.
Милиция Чүй районунун Ак-Бешим айылында аял киши сабалып, ооруканага түшкөнүн эскерткен. Андан тышкары, кылмышкер анын үйүн өрттөп жиберген. Шектүү катары аялдын уулу изделип жаткан.
