Коом
«Улуу көчмөндөр мурасы» холдинги кытайлык компания менен кызматташат
«Улуу көчмөндөр мурасы» улуттук холдинг компаниясы менен кытайлык СНМС улуттук компаниясы кызматташтык жөнүндө меморандумга кол коюшту. Бул тууралуу холдингдин маалымат кызматынан кабарлашты.
Маалыматка ылайык, 2022-жылдын 24-августунда кытайлык СНМС оор машина куруу улуттук компаниясы менен кызматташуу жөнүндө меморандумга кол коюлду.
«Тараптар тоо-кен казуу, гидроэнергетика жана логистика тармагында биргелешкен долбоорлорду ишке ашырууга көмөк көрсөтүү боюнча иштерди жүргүзүүнү макулдашты», — деп айтылат билдирүүдө.
