20-сентябрда Москвадагы Live Arena сахнасында “Интервидение-2025” эл аралык музыкалык сынагы өтүп, ага жыйырмадан ашык өлкөнүн аткаруучулары катышат. Бул тууралуу Маданият, маалымат жана жаштар саясаты министрлигинен билдиишти.
Белгиленгендей, абройлуу сынакка Кыргызстандын атынан «Жалгыз сага» ыры менен менен «Nomad» триосу катышат. Кыргыз артисттеринин өнөрүн көрсөтүү улуттук музыкалык искусствону дүйнөгө жайылтууда маанилүү кадам болот.
Дүйнөлүк масштабдагы шоу Улуттук каналдан, ошондой эле «Музыка» жана «Маданият» телеканалдарынан түз эфирде көрсөтүлөт.
Маалым болгондой, “Интервидение-2025” сынагы жаңы таланттардын жана өлкөлөр ортосундагы маданий алмашуунун аянтчасына айланат.
