Бишкектен Караколго учак эми жумасына төрт жолу учат. Бул тууралуу Манас аэропортунун басма сөз кызматы билдирди.
Маалыматта айтылгандай, каттамдар шейшемби, бейшемби, жума жана жекшемби күндөрү аткарылат.
2024-жылдын декабрь айынан тарта Бишкек-Каракол, Каракол-Бишкек багыты боюнча авиакаттамдар «Асман Эйрлайнс» мамлекеттик авиакомпаниясы тарабынан аткарыла баштаган. Жумасына 2 жолу, бейшемби жана жекшемби күндөрү аталган багыт боюнча учактар каттап жаткан. Билеттин баасы 3100 сомдон башталат.
