Жогорку Кеңештин бюджет, финансы, ишкердик жана атаандаштыкты өнүктүрүү боюнча комитети «Кредиттик маалымат алмашуу жөнүндө» мыйзамга өзгөртүүлөрдү киргизүү тууралуу мыйзам долбоорун үчүнчү окууда жактырды. Документтин демилгечиси — Министрлер кабинети.
Мыйзам долбооруна ылайык, терс кредиттик тарыхты сактоо мөөнөтү 5 жылдан 2 жылга чейин, ал эми оң кредиттик тарыхты сактоо мөөнөтү 7 жылдан 5 жылга чейин кыскартылат. Негиздемеде бул өзгөртүүлөр жарандардын кредит алуусун жеңилдетип, банк системасына болгон жүктү азайтары белгиленген.
