ЮНИСЕФтин маалыматы боюнча, Ооганстанда бир миллионго жакын бала өмүрүнө коркунуч туудурган катуу жетишсиз тамактануудан жабыркап жатат. Жалпысынан 3,7 млн балада тамактануу көйгөйү бар, ал эми оор учурлардын 83%ы эки жашка чейинки балдарга туура келет.
Июль айында татаалдашкан жетишсиз тамактануу менен 8 миң бала ооруканага жаткырылган — бул былтыркыдан үчтөн бирге көп. Абалды кургакчылык, суу ташкындары, миллиондогон адамдардын өлкөгө кайтып келиши жана гуманитардык жардамдын каржыланышынын азайышы оорлотууда. ЮНИСЕФке быйыл $180 млн керек, бирок азырынча анын 22%ы гана алынган.
