Журналист Канышай Мамыркулова 48 саатка камакка алынды. Бул тууралуу анын жактоочусу Нурбек Сыдыков билдирди.
Анын айтымында, Мамыркулованын соцтармактагы постторуна экспертиза жүргүзүлгөн.
Жактоочу журналистке Кылмыш-жаза кодексинин 278-беренесинин 3-бөлүгүнө («Массалык баш аламандыктар», «Бийлик өкүлдөрүнүн мыйзамдуу талаптарына жигердүү баш ийбөөгө жана массалык баш аламандыктарга чакырыктар, ошого тете жарандарга зомбулук көрсөтүүгө чакырыктар») менен айып тагылганы кошумчалады.
