Бул тууралуу мэриядан билдиришти.
Кытайдын Циндао шаарынан келген инвесторлор менен бирге салынып жаткан бул жайдын жалпы аянты 100 гектарга жакын болот. Учурда сыноо иретинде 5 гектардан ашык аянтка 12 миң 300 бийик бойлуу көчөт, 9 миң бадал отургузулган. Алардын ичинде жалбырактуу клен, кытай акациясы, жазы жалбырактуу дарактар, липа жана башкалар бар.
Мэр Айбек Жунушалиев бак өстүргөн жайга барып, «Бишкекжашылкурулуш» муниципалдык ишканасына тыгыз кызматташтыкта иштеп, чет элдик адистердин тажрыйбасын үйрөнүү тапшырмасын берди.
