Сауд Аравиянын Эр-Рияд шаарында Кыргызстан менен Түндүк Корея курама командаларынын 2026-жылы өтө турган Дүйнө чемпиондугунун тандоо турунун тогузунчу оюну аяктады. Бул тууралуу Кыргызстандын футбол союзу социалдык тармактарда билдирди.
Командалар 2:2 эсебинде тең чыгышты.
Голду 57-мүнөттө Гүлжигит Алыкулов киргизди. Экинчи гол 95-мүнөттө Сон-Хе Кимдин автоголунун натыйжасында кореялыктардын дарбазасына кирди.
Эске сала кетсек, 15-октябрда Бишкекте өткөн Кыргызстан менен Түндүк Кореянын биринчи беттеши 1:0 эсебинде биздин команданын пайдасына аяктаган.
Сегиз турдан кийин Кыргыз курама командасы алты упай менен “А” тайпасында турнирдик таблицада бешинчи орунду ээледи.
Белгилей кетсек, 10-июнда биздин команда Бишкекте БАЭ курамасын кабыл алат.
