Эрнис Кыязов Кытайлык 19 жаштагы кыргыз жигитинин аңгемесин аудиолоштурду
Белгилүү журналист Эрнис Кыязов Кытайлык 19 жаштагы кыргыз жигитинин «Тарткылык» аттуу чыгармасын аудиолоштурду. Бул тууралуу Кыязов социалдык тармактагы баракчасына жазыды. Анын айтымында, кытайлык кыргыздыр аудио-китептерди, кыргыз жазуучуларынын чыгармаларын угуп жатышканын айткан.
«Багжан иничек өзү Кытайдын Текесинен болот экен. Бул 19 жаштагы жигиттин айтымында, мен аудиолоштурган аудио-китептерди кытай кыргыздары «көптөп» угуп жатышыптыр.. Алкышын угуп сүйүнүп калдым. Жазуучулукка шыгы бар балакай мобу мага жиберген аңгемесин 17 жашында жазыптыр. Алгачкы «Тарткылык» аттуу чыгармасы — максатына жетпей калган махабат тууралуу… Өз башынан өткөргөн окуябы, же башка досторунан уккан-көргөн тагдырбы, айтор ушу жашында сөз менен иштөө чеберчилиги мыкты экени байкалып турат. Ийгилик Багжан иним, бар бол!
Кытайлык кыргыз жигитинин «Тарткылык» аттуу аңгемесинин аудио-вариантын угуу үчүн ылдыйдагы шилтемени басып, уксаңыз болот, рахмат»,-деп жазды.
