«Кара-Кечеден» көмүр ташуу августта башталат

«Кара-Кечеден» көмүр ташуу иштери август айынан башталат. Бул тууралуу «Кыргыз көмүр» ишканасы кабарлады.

Билдирүүгө ылайык, «Кара-Кечеден» жеке көмүр ташыган айдоочулар  көмүрдү августтан тарта ташып баштайт. Ал элге жана Бишкек шаардык ЖЭБине берилет.

Учурда «Кара-Кече» көмүр кенинде 150 миң тонна көмүр ачылып, даяр турат.

«Көмүрдү  кампалардан сатып алса болот. Учурда «Кыргыз көмүрдүн» кызматкерлери элди көмүр менен камсыз кылуу үчүн күнү-түнү иш-аракеттерди жүргүзүүдө», — деп айтылат мекеме берген маалыматта.