Байкуш ары-бери жылып атып, чарчаган апрелдин башталышы…
Достор бир күн мурда даярдап койгон азык-түлүктөрдү 10–20дан болуп , машиналарыбызга салып алып, бири-бирибизге «этият бол, масканды, колкапты чечпе» – деп коюп,тарап кеттик…
– Саламатсызбы? Сиз бизге жардам сурап кайрылган экенсиз.Чекиш-Атага келип калдык, дарегинизди тагыраак айтып коесузбу?
– Чоң жолдон оңго киресиздер….
Телефонду өчүрүп койду …
– Алло, чоң кыз объезд тараптан келе жатабыз, Аламедин базары тараптан эмес, ошондо точно оңго бурулабызбы? Кайсы көчөдөн бурулабыз?
– Абез дейсизби? Ал кайсы жак?
– Чоң кыз, жашаган көчөңдүн атын, үй номерин айтчы, өзүбүз таап алабыз. Бизде Чекиш-Ата деп эле жазылып турат
–Азыр….
Кайра өчүрүп салды
– Алло, чон кыз телефонду өчүрбөй эле сурай берсеңиз…
Эптеп издеген даректи таптык..
…. Сезим 28 жаштамын, 5 балам бар, улуусу 8 жашта, окутканга мүмкүнчүлүгүм жок таежеме бердим, күйөөм таштап кеткен – дейт…
Кечинде, үйгө кирип эле Вотсапп группадан сүйлөшүп баштадык… Биз ошол күнү барган 150 үй-бүлөдөн 142си күйөөсү таштап кеткен аялдар экен…
Эң
азы 3, а так 4–5,
бирөөсү 8 баласын жалгыз тарбиялап, багып аткан
аялдар. Аялдар дегенде, көпчүлүгү 30 га чыга элек келиндер…
Ошентип, 3 жолкуда баш аягы 480 адреске барган болсок, 400дөйүндө, балдар атасы жок чоноюп атышыптыр…
Талкаланган тагдырлар!!! Ким күнөөлүү???
Өз
дарегин тагыраак айталбаган, үй-бүлөнү
пландаштыруу боюнча маалыматы жок, – «тигине
окугандардын баарынын диплому жумуш жок, чаң басып жатат, сени окутканга акча да
жок, кыз баланын талаалап жургону жакшы эмес» – деп, биринчи келген жуучуга, ата-энесинин айтканына каршы боло албай
18–19 жашында күйөөгө тийген кыздарбы?
– Салпактап күндөп-түндөп, үй бетин көрбөй
калды, тез үйлөндүрүп кутулбасак
болбойт – десе, эч кандай
жоопкерчилик жөнүндө
оюу да жок, макул
болгон 20–21
жаштагы балдарбы?
Бул улуттун трагедиясы, тез арада үй-бүлө
институтун түзүш керек, түшүндүрүү
иштерин жүргүзүш
керек – деген, биз
сыяктуу, ушул күндөрү
эл аралап жүргөн замандаштарымдын посторун окуп атам …
Сиздердин оюнуздар…???
Инаят Ниматова, ишкер, жарандык активист.