Бул тууралуу УКМК билдирди.
Маалыматка ылайык, билим берүү чөйрөсүндө коррупциялык көрүнүштөрдү жокко чыгаруу максатында 2024-жылдын аягында жана 2025-жылдын башында Оштогу окуу жайлардын жетекчилеринин катышуусу менен (ОшМУ, ОшТУ, ОшПУ, КӨЭУ, ОшЭМУ ж.б.) профилактикалык иштер өткөрүлгөн.
Жыйынтыгында сабакка келбеген же академиялык карыздары бар 13 миң 296 студент окуудан чыгарылган:
- Ош мамлекеттик университети – 3 миң 573,
- Ош технологиялык университети – 2 миң 754,
- Кыргыз-Өзбек эл аралык университети – 3 миң 167,
- Ош мамлекеттик педагогикалык университети – 3 миң 629,
- Кыргыз Улуттук университеттин филиалы – 172.
Учурда студенттердин мыйзамсыз окутууга катышы бар адамдарды аныктоо иштери жүрүүдө.
