7-декабрга карата аба ырайы

Шаршембиде тоолуу райондордо кар жаашы ыктымал. Дыйканчылык аймактарда жана өрөөндөрдө күн ачык болот. Бул тууралуу Кыргызгидромет маалымдады.

Айрым жерлерде туман түшүп, батыштан соккон шамалдын ылдамдыгы секундасына 2-7 метрге жетет.

Абанын температурасы Чүй, Талас аймактарында -2…-7, Ош, Жалал-Абад, Баткен облустарында -1…+4, Ысык-Көл өрөөндөрүндө +1…+6, ал эми Нарында -3…-8 градус болору айтылды.

Термометрдин көрсөткүчү Бишкекте -4…-6 жана Ош калаасында 0…+2 градус болот.

8-декабрга чейин күтүлүп жаткан жаан-чачынга байланыштуу тоолуу райондордо, ашууларда кар көчкү түшүү кооптуулугу бар. Жолдордо муз тоңуп тайгак болот. Унаалардын ортосундагы 500 метр аралык сакталышы зарыл.