Кыргызстанда көк бөрү боюнча республикалык турнир башталды

Нооруз майрамына карата Кыргызстанда көк бөрү боюнча республикалык турнир башталганын спорттун аталган түрү боюнча федерациядан кабарлашты.

Быйылкы оюндар Бишкекте «Аккула» ат майданында өтүүдө. Анда командалар төрт лигага бөлүнгөн. Алар:

Жогорку лига — 6 команда;

Биринчи лига — 12 команда;

Экинчи лига — 16 команда;

Легендалар лигасы — 6 команда.

Турнирдин расмий ачылышы 15-мартка белгиленген, финалдык оюндар 21-мартта, Нооруз күнү, болору кошумчаланды.