Бугүн, 28-январда «Манас» эл аралык аэропортунан Кыргызстанга кирүүгө аракет кылган чет өлкөлүк жаран кармалды. Бул тууралуу Ички иштер министрлигинин басма сөз кызматы билдирди.
Тергөөнүн маалыматы боюнча, 1988-жылы туулган С.В. аттуу жаранга Интерпол тарабынан эл аралык издөө жарыяланган. Ал Франциянын кылмыш мыйзамдарына ылайык, төмөнкү кылмыштарга шектелүүдө:
-
Чет элдиктердин өлкөгө мыйзамсыз кирүүсүнө жана жүрүүсүнө көмөктөшүү;
-
Жасалма документтерди колдонуу;
-
Алдамчылык;
-
Кылмыштуу топторго катышуу.
Кармалган жаран Сокулук районунун ички иштер бөлүмүнө жеткирилди.
