Садыр Жапаров Кыргызстан менен Казакстан ортосундагы чек ара өткөрүү пункттары тууралуу макулдашууга өзгөртүү киргизген протоколду ратификациялады.
Тиешелүү мыйзам Жогорку Кеңеш тарабынан 2026-жылдын 12-мартында кабыл алынган.
Өзгөртүүгө ылайык, “Камышановка – автожол” өткөрүү пункту “Төмөнкү-Чүй” деп аталып, эл аралык макамга ээ болуп, эми сутка бою иштейт. Ошондой эле “Кичи-Капка – автожол” өткөрүү пункту да эл аралык статус алды.
Бул чечим жарандардын жана транспорт каражаттарынын өтүүсүн жеңилдетип, жүк ташууну көбөйтүүгө жана туризмди өнүктүрүүгө шарт түзөт.
