Өмүрбек Суваналиев менен Сыймык Жапыкеев президенттик кызматка талапкерлигин көрсөтүү үчүн талап кылынган «Кыргызтест» сынагынан өтпөй калышты.
Суваналиев кыргыз тилинде билим берген мектепте окуганын, бирок диктант (дилбаян) жазуудан 4 баллы жетпей калганын билдирди. Ал сынакка кайра тапшырар-тапшырбасын азырынча чече элек.
«Шайлоо жөнүндө» мыйзамга ылайык, Кыргызстандын президенттигине талапкер мамлекеттик тилди «ортодон жогору» деңгээлде билиши жана анда бардык чөйрөлөрдө эркин баарлаша алышы керек.
