Россиядан мыйзамсыз ташылып келген 21 тонна тоок эти Кыргызстанга киргизилген жок. Бул тууралуу Суу ресурстары, айыл чарба жана кайра иштетүү өнөр жайы министрлигинен билдиришти.
Талас облусундагы «Чоң-Капка» көзөмөл-өткөрүү пунктунун «Чоң-Капка» чек ара ветеринардык постунун инспекторлору тарабынан Россиядан Кыргызстанга мыйзамсыз ташылып келген 21 миң кг тоок этине текшерүү жүргүзүшөн. Анын жыйынтыгында ЕАЭБдин ветеринардык-санитардык талаптардын бузулганы аныкталган.
Натыйжада тиешелүү акт түзүлүп, жүк «Чоң-Капка» өткөрүү пункту аркылуу Россияга кайра артка кайтарылды.
