Париж менен Лондондо нааразычылык акция өттү

Расизм жана полициянын зомбулугуна каршы нааразычылык акция Париж менен Лондондо дагы өттү. 13-июндагы масштабдуу акцияга Франциянын борборунда 3 миңдей адам чогулганын чет элдик жалпыга маалымдоо каражаттары жазып чыгышты.

Нааразы болгон акциячылардын арасындагы айрымдар кара түстөгү кийим кийип, бетин жаап алышкан. Алар полиция кызматкерлери тарапка таштарды жана бөтөлкөлөрдү да ыргытып жатышты. Баш аламандык учурунда болжол менен 26 адам кармалган.