Ош облусунун аймагында жер титирөө катталды

Бүгүн, 9-октябрь түнү  Ош облусунун аймагында жер титирөө катталды. Бул тууралуу өзгөчө кырдаалдар министрлигинин басма сөз кызматынан билдиришти. «9-октябрь күнү саат 02:11де Ош облусунун аймагында очогунда күчү 3,5 баллга жеткен жер титирөө катталган. Жер титирөө Алай районунун Иркештам, Нура айылдарында 3 баллга чейин сезилген. Жер титирөөдөн жабыркагандар жана кыйроолор катталган жок», — деп билдиришти ӨКМдан.