Депутат: «Өкмөт жол киренин, электр энергияга бааны жогорулатууну сунуштоодо. Айлык, пенсия, жөлөк пулдар көтөрүлгөн жок»

«Айлык, пенсия, жөлөк пулдар көтөрүлгөн жок, калган бардыгынын баасы өсүүдө», — деди бүгүн, 28-апрелде Жогорку Кеңештин жыйынында депутат Дастан Бекешев.

«Социалдык, экономикалык абал оор бойдон турат. Баалар  мурдагыга кайтып келбейт. Айлык, пенсия, жөлөк пулдар көтөрүлгөн жок. Кирешелер ошол бойдон калып, башка нерселер кымбаттап жатат. Бул убакта өкмөт электр энергияга болгон бааны жогорулатууну сунуштоодо. Жол киренин баасын кымбаттатууну каалап жатышат. Уу коргошун ичип, элди алаксытышууда», — дейт ал.