Эртең Бишкектин айрым райондорунда суу берилбейт

Эртең, 18-ноябрда Бишкектин айрым райондорунда суу убактылуу берилбейт. Бул тууралуу Бишкек мэриясынын басма сөз кызматы кабарлады.

Маалыматка ылайык, Абаканский – Дэн Сяопин, Волкова, Садыгалиев көчөлөрү жана темир жол линиясы менен чектелген райондо 09:00дөн 18:00гө чейин суу болбойт.

Белгиленгендей, мындай чара шаардагы суу түтүктөрүндөгү оңдоо иштерине байланыштуу көрүлөт.

Бишкек мэриясы келтирилген ыңгайсыздыктар үчун кечирим сурап, суу алып алууну суранат.