Базар-Коргондо туристер жана жергиликтүү жарандар арасында лыжа жарышы өттү

Базар-Коргон районуна караштуу Арстанбап аймагында кышкы туризмди өнүктүрүү үчүн лыжа менен жарышуу өттү. Лыжа тебүүгө жалпы ондой адам катышса, анын алтысы чет өлкөлүк жарандар. Мындай маалыматты туризм боюнча иш алып барган уюм билдирди.

Маалым болгондой, 7,5 чакырым аралыкка лыжа тебүүгө улуулар менен катар жергиликтүү жаш балдар да катышкан.

Иш-чарада команда менен аркан тартуу, жеке аркан тартуу, кол күрөш, эшектер менен жарышуу да орун алды. Ошондой эле эр эңиш, шахмат жана шашка оюндары уюштурулду.

Ат чана жана жапкак  менен жарышуу элдин кызыгуусун жаратты.