Президент Садыр Жапаров иш сапары менен Баткен облусуна барат

Кыргыз Республикасынын Президенти Садыр Жапаров 20-21-март күндөрү эки күндүк иш сапары менен Баткен облусуна барат. Бул тууралуу президенттин маалымат кызматы кабарлады.

Мамлекет башчысы иш сапардын жүрүшүндө Лейлек районундагы Исфана шаарынын аталышын Раззаков шаары деп өзгөртүүгө байланыштуу иш-чарага катышат.

Ошондой эле, Президент Садыр Жапаровдун Нооруз майрамына карата иш-чараларга да катышуусу күтүлүүдө.