Лавров ядролук согуштун реалдуу коркунучу тууралуу эскертти
Ядролук согуштун тобокелдиктери азыр абдан олуттуу, бул коркунучту баалабай коюуга болбойт, деди Орусиянын тышкы иштер министри Сергей Лавров “Биринчи каналга” берген маегинде.
«Коркунуч олуттуу, бул реалдуу, аны баалабай коюуга болбойт», — деди министр.
Орусиянын президенти Владимир Путин февраль айынын аягында, Орусиянын Украинадагы согуштук аракеттеринин башталышынан 3 күн өткөндөн кийин, Стратегиялык Тоскоолдук Күчтөрүн (SSS) өзгөчө күжүрмөн режимге өткөрүүгө буйрук берди.
28-февралда Орусиянын Коргоо министри Сергей Шойгу буйруктун аткарылышы тууралуу маалымат берип, стратегиялык ракеталык күчтөрдүн, Түндүк жана Тынч океан флотунун жана алыс аралыкка учуучу авиациянын нөөмөтчүлөрү күчөтүлгөн курам менен күжүрмөн кызматка киришкенин билдирди.
