Путин мобилизация учурунда кетирилген каталарды оңдоону талап кылды
Орус президенти Владимир Путин мобилизация учурунда көптөгөн суроолор жаралып жатканын, бул каталардын бардыгын оңдоо керектигин, негизсиз чакырылгандар мекенине кайтарылышы керектигин билдирди.
«Мобилизациялык иш-чаралардын жүрүшүндө бул темада, жарандардан чакырууну уюштуруу, сапаты, камсыздоо, жашоо шарттары жана башка маселелер боюнча көптөгөн маалыматтар келип түшүүдө. Бул мобилизациянын жүрүшүндө көптөгөн суроолор туулат. Биз бардык каталарды оңдоп, алардын кайталанышына жол бербешибиз керек”, — деди Путин Орусиянын Коопсуздук кеңешинин туруктуу мүчөлөрү менен жолугушууда.
Ал кийинкиге калтырууга укугу бар жарандар чакырылган учурларды өзүнчө талдоо керектигин баса белгиледи. Мисал катары президент көп балалуу аталарды, өнөкөт оорулууларды жана аскер курагынан чыккандарды атады.
«Эгер ката кетирилсе, аны оңдоп, себепсиз чакырылгандар мекенине кайтарылышы керек», — деди Путин.
«Көп жылдык тажрыйбасы бар дарыгерлерди мотоаткыч кылып дайындалып калган учурлар бар. Бул эмне? Аскердик тажрыйбасы бар россиялыктар аскерге чакырылат, «бул талап катуу сакталышы керек». Мобилизацияга алынгандар кошумча окуудан өтүшү зарыл», — деп белгиледи президент.
Ошол эле учурда, президенттин айтымында, ыктыярчылар зарыл аскердик адистиктерге ээ болбогондуктан «артка кайтарылат».
Ал белгилегендей, запастагы жарандар, биринчи кезекте керектүү аскердик адистиктери жана тиешелүү тажрыйбасы бар жарандар жарым-жартылай мобилизацияланышат. Путин жарым-жартылай мобилизация боюнча аскердик кызматка чакырылгандар сөзсүз түрдө аскердик даярдыктан өтүшү керектигин эске салды.
«Мындай координациялоо, адамдарды окутуу — бул так сакталышы керек болгон талап», — деп баса белгиледи ал.
Орус лидери башкы прокурордон мобилизация учурундагы бардык мыйзам бузууларга токтоосуз чара көрүүнү суранды.
