Кызыл-Кыя шаарында милиция кызматкерлери укук бузуулардын алдын алуу максатында эскертүү баракчаларын илишти

20.12.2022

Кызыл-Кыя ШИИБдин балдар менен иштөө инспекторлору шаар аймагындагы коопсуздукту сактоо максатында 20-декабрь күнү “Таштемир-Ажы” базарында жарандарга түшүндүрүү иштерин жүргүзүп, өздөрү демилгелеп чыгарган эскертүү баракчаларын илишти.

Базардагы дүкөн ээлерине укук бузуулардын алдын алуу жана кылмыштуулукту болтурбоо, коомдук жайлардагы кылмыштуулуктун алдын алууда жаңы жыл астында базарларда пиротехникалык каражаттарды сатууга жергиликтүү бийлик тарабынан убактылуу чектөө койгондугун түшүндүрүп, алдын алуу иштерди жүргүзүүдө.
Бир күндүк иш-чаранын жыйынтыгында Кыргыз Республикасынын Укук бузуулар жөнүндө кодексинин негизинде 25 жаранга протоколдор толтурулуп, айып пул салынды.