Бишкекте жаш төкмө акындар мектеп окуучулары менен жолугушту

 Бишкекте «Айтыш» коомдук фондунун жаш төкмө акындары мектеп окуучулары менен жолугушту. Бул тууралуу Бишкек мэриясы кабарлайт.

Маалыматка ылайык, жолугушуу №82 мектептин базасында өтүп, ага белгилүү жаш төкмө акындар Асылбек Маратов, Мундузбек Усупбек уулу, Мундузбек Борончиев, Шайлообек Отунчиев, Элмирбек Иманалиев, Жибек Сапар кызы жана Темирбек Матыбаев чакырылган.

Жолугушуу төкмө акындар жана алардын чыгармачылыгы менен жакындан таанышуу максатында өткөрүлдү.