Бир сутка ичинде 2 медициналык кызматкер коронавирус жуктуруп алды

Бир сутка ичинде өлкө боюнча 2 медициналык кызматкер коронавирус жуктуруп алганы аныкталды. Алар Жалал-Абад облусундагы ооруканаларында иштеген кызматкерлер. Бул тууралуу республикалык штабдан билдиришти.

Ал эми бир суткада 5 медициналык кызматкер ооруканалардан айыгып чыгарылды. Үй карантининен 13 медициналык кызматкер айыгып чыгарылды.

Жалпысынан республика боюнча COVID-19 диагнозу менен ооруган медициналык кызматкерлердин саны 3133, алардын ичинен 2471 медкызматкер айыкты.