Шаиста Шатманова ЭлТРдин башкы директору кызматынан алынды

Премьер-министр Садыр Жапаров ЭлТР телерадиоберүү компаниясынын башкы директору Шайста Шатманованы кызматтан бошотту. Бул тууралуу өкмөттүн басма сөз кызматы билдирди.

Телерадиоберүү компаниясынын жаңы жетекчиси болуп Эрлан Догдурбеков дайындалды. ЭлТРде режиссер болуп иштеген.

Эскерте кетсек, каналдын жамааты Шаиста Шатманова менен иштешүүдөн баш тартышкан.

Ш. Шатманова кызматка дайындалганга чейин, Кыргызстан социал-демократтар партиясынын басма сөз катчысы болгон, ага чейин  «Супер-Инфо» гезитинин директору кызматын аркалап келген.